Ֆրանսիայի Սենատում Սիրիայի հետ բարեկամության հանձնաժողովի նախագահ Ժան-Պիեռ Վիելն ու սենատոր Ֆրանսուա Զոչետտոն այցելել են Դամասկոսի հայկական եկեղեցի։
Սենատորներին ընդունել է եպիսկոպոս Արմաշ Նալբանդյանը, քննարկել երկրի իրավիճակը, հաղորդում է ՍԱՆԱ գործակալությունը։
Նալբանդյանի խոսքով, Թուրքիան ագրեսորի դեր է կատարել ճգնաժամում, սահմանները բացելով ահաբեկչական կազմակերպությունների համար, որոնք Քեսաբում եւ այլ վայրերում սիրիահայերի սպանդ են իրականացրել։
Եպիսկոպոսը նշել է, թե հայերը Սիրիայի մասնիկն են եւ ճգնաժամից համընդգրկուն ելք են ցանկանում։ «Բազմաթիվ անմեղ մարդիկ են սպանվել Դամասկոսում՝ ահաբեկիչների գրեթե ամենօրյա հարձակումների ընթացքում»,- ասել է նա՝ հիշեցնելով, որ հայկական կեղեցին երկու անգամ հարձակումների թիրախ է դարձել, զոհվել են երեխաներ։
Սենատոր Վիելն իր հերթին ընդգծել է, թե Սիրիան միշտ էլ եղել է տարբեր դավանանքների մարդկանց ուն, համակեցության եւ հանդուրժողականության օրինակ է։
