Նյու Յորքի «Դեւենփորթ» թատրոնում ապրիլի 18-ին եւ 19-ին Հայոց ցեղասպանության թեմայով «Սրբազան զայրույթից» անվանումով բեմադրություն կներկայացվի: Դրանում անդրադարձ կլինի այդ պատմական ողբերգության հետեւանքներին եւ նրան, թե 100-րդ տարելիցն ինչ է նշանակում վերապրածների սերունդների, ինչպես նաեւ հայ ժողովրդի եւ սփյուռքի ապագայի համար: Այս մասին գրում է «The Armenian Weekly»-ն:
Պիեսի եւ բեմադրության ռեժիսորը Թալին Բաբայանն է: Պիեսում միահյուսված են ժխտողականության, ազգայնականության, հաշտեցման եւ մարդու իրավունքների խախտման թեմաները:
Դերերում հանդես են գալու տաղանդավոր արտիստներ Գառնիկ Ներսեսյանը, Կոնստանս Կուպերը, Անի Ջիրջիրյանը, Րաֆֆի Վարդանյանը, Ջհանգիր Դումանը, Ջեմի Ալանան եւ Հայկ Հովնանյանը: