Հայաստանում LED-լամպերի խոշոր գործարանի շինարարությունը կարող է մեկնարկել 2016 թվականին: Այս մասին NEWS.am-ի թղթակցին ասաց Հայաստանի Էկոնոմիկայի նախարար Կարեն Ճշմարիտյանը:
«Նախ նրանք ցանկանում են սկսել հավաքել դրանք, իսկ հետո անցնել արտադրության: Հետեւաբար, նրանք պատրաստ են մեծ ծավալով սինթետիկ շափյուղա գնել: Իսկ այն, ինչպես հայտնի է, արդեն վաղուց արտադրվում է մեր երկրում»,- հավելեց նախարարը:
Հիշեցնենք, որ գործարան կառուցելու ծրագրերի մասին Երեւանում փետրվարի 19-ին հայտարարեցին կորեական SUN LED եւ Blusafir Korea ընկերությունները: Ծրագրվում է դրա համար 20 մլն դոլար ներդնել:
