Աթենքի կենտրոնում փետրվարի 26-ի երեկոյան անարխիստներին ավերել են խանութների ու բանկերի ցուցափեղկերը, կոտրել ավտոբուսի կանգառները, հեռախոսախցիկը, ինչպես նաեւ այրել աղբարկղներն ու մի մեքենա: Այս մասին հաղորդում է տեղի ոստիկանությունը:
Իրավապահների խոսքով՝ մոտ 300 անարխիստներ, որոնք հայտարարել են, որ դեմ են «ցանկացած իշխանության», երեկոյան հավաքվել են Աթենքի համալսարանի մոտ, ապա երթով շարժվել դեպի խորհրդարանի շենք:
Վերադարձի ժամանակ նրանք քաղաքի կենտրոնական Վուկուրեստիու, Ստադիու եւ Պանեպիստիմիու փողոցներում կոտրել են երկու խանութների եւ բանկերի ցուցափեղկերը, այրել աղբարկղերը եւ դրանցով բարիկադներ ստեղծել:
Ստուրնարու փողոցում նրանք կոտրել են եւս 2 խանութների ցուցափեղկեր, հրդեհել մեքենա, որը պայթել է, հաղորդում է ՏԱՍՍ-ը:
Դրանից հետո անարխիստները մտել են Աթենքի պոլիտեխնիկական համալսարանի տարածք: Ժամանակ առ ժամանակ նրանք ոստիկանների ուղղությամբ դյուրավառ հեղուկով շշեր են նետել: Իրավապահները շրջափակել են այդ շրջանը, սակայն դեռեւս չեն միջամտում տեղի ունեցողին:
