Ամերիկյան խոշորագույն General Motors ավտոընկերությունը այս տարվա հունիսի վերջին կփակի Ինդոնեզիայի Բեկասի քաղաքում իր Chevrolet Spin մոդելի մեքենաներ արտադրող գործարանը։ Այս մասին ուրբաթ հայտարարել է General Motors International-ի միջազգային ստորաբաժանման գործադիր փոխնախագահ Ստեֆան Ջեյքոբին։
Ամերիկյան ընկերությանը չհաջողվեց ամրապնդվել աշխարհում բնակչության քանակով 4-րդ տեղում գտնվող երկրի զարգացող ավտոշուկայում։ Երկրի ավելի քան 90 տոկոսը գտնվում է ճապոնական ընկերությունների հսկողության տակ, գրում է Jakarta Globe-ը։
Բեկասիի գործարանը, որի շինարարության համար ծախսվել էր 150 մլն դոլար, նախատեսում էր տարեկան 40 հազար Chevrolet Spin միկրոավտուբուս արտադրել, որոնք նախատեսված էին ոչ միայն Ինդոնեզիայում ներքին սպառման, այլ նաեւ Թաիլանդ եւ Ֆիլիպիններ արտահանելու համար։ Սակայն անցյալ տարվա ընթացքում Ինդոնեզիայում վաճառվել է ընդամենը 8.5 հազար մեքենա, գրում է «ՌԻԱ Նովոստի»-ն։