Հունվարի 29-ին, ժամը 13.00-ին, 1980 թ. ծնված Էդիկ Ի.-ն ոստիկանության Արաբկիրի բաժնում հաղորդում էր տվել, որ գիշերը, տեխնիկական միջոցների գործադրմամբ՝ մուտքի դռան փականը կոտրելով, Երեւանի Հ. Քոչարի փողոցում գտնվող ավտոմեքենաների մարտկոցների խանութից գողացել են տարբեր տեսակի 22 մարտկոց` պատճառելով 500.000 դրամի նյութական վնաս:
Ոստիկանության մամուլի ծառայությունից հայտնում են, որ ոստիկանության քրեական հետախուզության գլխավոր վարչության, Էրեբունու եւ Արաբկիրի բաժինների ծառայողների ձեռնարկած համատեղ միջոցառումների շնորհիվ՝ հիշյալ գողությունը կատարելու կասկածանքով ոստիկանության Էրեբունու բաժին բերման են ենթարկվել 32-ամյա Արմեն Գ.-ն, 48-ամյա Արմեն Թ.-ն եւ 33-ամյա Էդգար Ս.-ն:
Արմեն Գ.-ն խոստովանել է, որ գողությունը կատարել է ինքը:
Կատարվում է քննություն:
