Brent տեսակի նավթի գինը Լոնդոնի ICE առեւտրի բորսայում 1.18 տոկոսով բարձրացել է` կազմելով 60.91 դոլար մեկ բարելի դիմաց։ Ընդհանուր առմամբ փետրվարի սկզբից Brent տեսակի նավթը թանկացել է 15 տոկոսով։ Ընդ որում ամերիկյան WTI տեսակի նավթը էժանացել է 4 տոկոսով. փետրվարի 27-ին մեկ բարել WTI տեսակի նավթն արժեր 49 դոլար։
Ամսվա սկզբից WTI տեսակի նավթի գինը բարձրացել է 1,7 տոկոսով։ Այսպիսով՝ չափանիշ համարվող այս երկու տեսակի նավթի գների տարբերությունը հասել է մոտ 12 դոլարի, ինչը վերջին մեկ տարվա ընթացքում առավելագույն ցուցանիշն է, գրում է Lenta-ն։
Ամերիկյան նավթի էժանացումը պայմանավորված է ԱՄՆ էներգետիկայի նախարարության հրապարակած տվյալներով, որոնց համաձայն՝ երկրում նավթի պաշարները փետրվարի 16-20-ն ընկած ժամանակահատվածում աճել են 2 տոկոսով եւ կազմել 434.1 մլն բարել, ինչը 1982-ից ի վեր ԱՄՆ պատմության մեջ գրանցված առավելագույն քանակն է։