Եւ իշխանությունները, եւ ընդդիմությունը պետք է հասկանան, որ Սերժ Սարգսյանի եւ գագիկ Ծառուկյանի հանդիպմանը հաղթողներ ու պարտվողներ չեն եղել: Այս մասին այսօր՝ փետրվարի 27-ին, ԱԺ-ում ճեպազրույցների ժամանակ նշել է ՀՅԴ խմբակցության ղեկավար Արմեն Ռուստամյանը:
«Չէի ցանկանա, որ Ծառուկյանն իրեն պարտված համարի, եւ շատ վատ է, եթե իշխանությունն էյֆորիայի մեջ ընկնի՝ համարելով իրեն հաղթող: Դա շատ թանկ կնստի մեզ վրա: Նման բախումները միայն ածանցյալ են այն համակարգի, որն ի դժբախտություն մեզ, դեռ պահպանվում է:
Իշխանությունը չի փոխվում ընտրությունների ճանապարհով: Դրա համար էլ միջանձնային կոնֆլիկտները եղել են եւ առաջին նախագահի, եւ երկրորդի եւ կմնան նաեւ չորրորդի օրոք»,-հավելել է Ռուստամյանը: