ԲՀԿ-ի հեղափոխական ոգին 24 ժամում անհետացավ եւ դեռ չիր երեւում: Այս մասին, այսօր՝ փետրվարի 27-ին, ԱԺ-ում ճեպազրույցների ժամանակ հայտարարել է ՕԵԿ խմբակցության անդամ Հովհաննես Մարգարյանը:
Նա խնդրել է չհամեմատել այսօրվա իրավիճակը 2006-ին ՕԵԿ-ի վիճակի հետ (երբ ՕԵԿ առաջնորդ Արթուր Բաղդասարյանը թողեց ԱԺ խոսնակի պաշտոնը, որից հետո կուսակցությունը լքեցին տասնյակ ազդեցիկ անդամներ, հիմնականում գործարարներ-խմբ): Նրա խոսքով՝ ՕԵԿ-ը քարքարոտ ու բարդ ճանապարհ է անցել: «Մենք սկզբունքային տարաձայնություններ ունեինք իշխանությունների հետ եւ մենք հայտարարել ենք այդ մասին»,-ասել է Մարգարյանը:
ԲՀԿ-ից դուրս եկած պատգամավորների՝ ՕԵԿ-ին անդամակցելու մասին խոսակցությունները նա «ծիծաղելի սուտ» է անվանել: