Վիլլի անունով անտուն բելգիացուն, որն ապրում էր Սուրբ Պետրոսի հրապարակի հարեւանությամբ գտնվող փողոցում, Հռոմի Պապի խնդրանքով հուղարկավորել են Վատիկանի գերեզմանոցում: Այս մասին գրում է The Guardian-ը:
Անտուն Վիլլին Սուրբ Պետրոսի հրապարակում բոլորին էր հայտնի: Որոշ հոգեւորականներ եւ հավատացյալներ նրան ուտելիք էին տալիս: Ֆրանցիսկոս Պապի խնդրանքով, բելգիացուն հուղարկավորել են տեւտոնական գերեզմանոցում, որտեղ սովորաբար հողին են հանձնում բարձրաստիճան գերմանացի հոգեւորականներին:
Ըստ Gazeta-ի, այդպիսով Ֆրանցիսկոս Պապը ցանկացել է ցույց տալ, թե ինչ ուղղությամբ պետք է փոխվի եկեղեցին: Նա մտահոգված է անապահով մարդկանց հանդեպ վերաբերմունքի առիթով եւ պատրաստվում է ստեղծել «աղքատ եկեղեցի՝ աղքատների համար»:
Ավելի վաղ Հռոմի Պապը թույլատրել էր Վատիկանի գլխավոր հրապարակում աղքատների համար լոգարան բացել:
