Հայ Ազգային կոնգրեսի պատգամավորների պահվածքը պարզապես անհեթեթ է: Այս մասին փետրվարի 27-ին կայացած խորհրդարանական ճեպազրույցների ժամանակ հայտարարեց Ազգային Ժողովի ՀՀԿ խմբակցության ղեկավար Վահրամ Բաղդասարյանը:
Նա նաեւ հավելել է, որ ՀԱԿ խմբակցության պատգամավորները որեւէ լավ տարբերակ չեն գտել եւ քաղաքակիրթ շփման լեզուն մի կողմ թողնելով՝ անցել են հայհոյանքների:
«Չգիտեմ՝ ինչ ասեմ… Դա պարզապես անհեթեթ է: Հայ Ազգային կոնգրեսն անհույս կաղում է: Մենք նրանց դեղատոմս առաջարկեցինք այդ քաղաքական կաղության դեմ: Բայց երբ մարդը քաղաքականության մեջ պատասխան չունի, սկսում է պատասխանել ոչ քաղաքական բառապաշարով»,- ասաց Բաղդասարյանը: