Շարունակվող հուզումների պատճառով ավելի քան 25 հազար եգիպտացիներ փախել են Լիբիայից: Շատերը ստիպված են եղել հայրենիք վերադառնալ Թունիսով, հաղորդում է Եգիպտոսի ԱԳ նախարարությունը:
Եգիպտացիների արտագաղթը Լիբիայից սկսվել է այն բանից հետո, երբ իսլամիստ գրոհայինները գլխատել էին 21 եգիպտացի քրիստոնյաների, հաղորդում է BBC-ի ռուսական ծառայությունը:
Լիբիայում գտնվող եգիպտացիների հստակ թիվն անհայտ է: Վերլուծաբանների գնահատականներով, խոսքը տասնյակ հազարավոր մարդկանց մասին է: