Google Inc-ն առաջին անգամ թույլ կտա ծրագրավորողներին Play Store խանութում հավելվածների գովազդ տեղադրել Google որոնման համակարգում գովազդից ստացվող ցածր եկամուտների պատճառով։ Այս մասին գրում է The Wall Street Journal-ը։
Նորամուծությունը սկզբում կիրացվի փորձնական ձեւաչափով։
Բացի այդ, Google-ը փետրվարի 24-ին ձեռք է բերել Red Hot Labs Inc. ստարտապը, որը մասնագիտացված է Facebook-ում ծրագրային ապահովման ծրագրավորողների համար գովազդային հաղորդագրություններ ստեղծելու ուղղությամբ, գրում է «Ինտերֆաքս»-ը։
Համատեքստային գովազդից ստացվող Google-ի տարեկան շահույթը կազմում է 50 մլրդ դոլար։ Սակայն այս ցուցանիշի աճը դանդաղել էր, քանի որ մարդիկ սկսել են ավելի հաճախ համացանցից օգտվել բջջային հեռախոսների միջոցով, իսկ բջջայինների վրա գովազդ տեղադրելն ավելի էժան է ստացվում։
Citigroup վերլուծաբան Մարկ Մեյը կարծում է, որ 2016թ. Play Store-ում գովազդից ստացվելիք շահույթը կկազմի 3 մլրդ դոլար, իսկ Piper Jaffray-ի փորձագետ Ջին Մյունստերը ապագա շահույթը գնահատում է 300 մլն դոլար։