Ավստրիայի մայրաքաղաքի դատախազությունն ուրբաթ հաղորդել է, որ, թունաբանական փորձաքննության նախնական տվյալների համաձայն, Վիեննայի բանտախցում ինքնասպանություն գործած Ղազախստանի նախկին դեսպան Ռահատ Ալիեւը հանգստացնող դեղամիջոցներ է օգտագործել: APA գործակալության տարածած հաղորդագրության համաձայն, խոսքը «բարբիտուրատի հետքերի» մասին է, որն արգելված է Ավստրիայի ամբողջ տարածքում:
Ըստ ՏԱՍՍ-ի, փորձագիտական վերջնական եզրակացությունը պատրաստ կլինի մի քանի օր անց:
Ալիեւին Վիեննայի քննչական մեկուսարանի խցի լոգասենյակում կախված են գտել փետրվարի 24-ին: Հետաքննությունը եւ ուղղիչ հաստատության ղեկավարությունը բացառում են բանտարկյալի սպանության վարկածը:
