Հնդկաստանը քննարկում է Եվրասիական տնտեսական միության հետ ազատ առեւտրի մասին համաձայնագիր ստորագրելու հնարավորությունը։ Այս մասին «Ինտեֆաքս»-ին հայտնել է ՌԴ Պետդումայի Միջազգային հարցերով հանձնաժողովի ղեկավար Ալեքսեյ Պուշկովը։
«Հնդկական կողմը մեզ հայտնել է, որ նրանք շատ ուշադիր քննարկում են Հնդկաստանի եւ Եվրասիական տնտեսական միության հետ ազատ առեւտրի մասին համաձայնագիր ստորագրելու հարցը»,- ասել է Պուշկովը՝ ամփոփելով Պետդումայի պատվիրակության՝ Հնդկաստան կատարած այցի արդյունքները։
Նա հավելել է, որ ոչ բոլոր երկրներ են նման ցանկություն հայտնում, իսկ Հնդկաստանում այդ հարցը բավականին լուրջ են քննարկում։ Այս թեմային մասնավորապես անդրադարձել են Նյու Դելիում ռուս-հնդկական միջխորհրդարանական հանձնաժողովի նիստում։
