Իրանի զինվորականները ռազմածովային լայնամասշտաբ զորավարժությունների ընթացքում «ռազմավարական նոր զենք» է փորձարկել: Այս մասին գրում է Associated Press-ը:
Ադմիրալ Ալի Ֆադավիի խոսքով, նոր զենքը վճռորոշ կդառնա ԱՄՆ-ի դեմ ռազմական գործողությունների դեպքում: Նա նշել է, որ մոտ ապագայում կհրապարակվեն զենքի փորձարկման մանրամասները:
Ըստ Gazeta-ի, զորավարժություններն անցկացվել են Հորմուզի նեղուցում: Այդ ընթացքում իրանցի զինվորականները գնդակոծել են ամերիկյան ավիակրի պատճենը:
Ավելի վաղ հայտնի էր դարձել, որ Թեհրանի միջուկային ծրագրի շուրջ Իրանի եւ «վեցյակի» բանակցությունները նախանշված են մարտի 5-ին: