Մեքսիկայի Մորելիա քաղաքում ձերբակալել են երկրում ամենահետախուզվող նարկոբարոն, «Ասպետ տամպլիերներ» նարկոկարտելի պարագլուխ Սերվանդո «Լա Տուտա» Գոմեսին։ Այս մասին գրում է Reuters-ը։
Ոստիկանությունը ենթադրում է, որ նրա ձերբակալումը կարող է օգնել վերահսկողություն հաստատել մեքսիկական 31 նահանգներից մեկի՝ Միչոականի նկատմամբ։ Իրավապահների խոսքով՝ ձերբակալությունն իրականացնելիս ոստիկանները ոչ մի փամփուշտ չեն օգտագործել, գրում է Lenta-ն։
2011թ. հիմնադրված «Ասպետ տամպլիերներ» նարկոկարտելը վերահսկում է Մեքսիկայից ԱՄՆ առաքվող մետամֆետամինների եւ մարիրխուանայի մեծ մասը։ Այս կազմակերպությունը, որը իր անունը ժառանգել է միջնադարյան ասպետական օրդենից, հայտնի է իր դաժանությամբ։ Այս կազմակերպության անդամ դառնալու համար անհրաժեշտ է մարդու սիրտ ուտել, որից հրաժարվելու դեպքում տամպլիերին տեղում սպանում են։