Լոս Անջելեսի ոստիկանությունը պարզել է վարորդի ինքնությունը, որն ապօրինի փողոցային մրցարշավի ժամանակ բախվել էր փողոցում կանգնած մարդկանց։ Երեկ գիշեր տեղի ունեցած վթարի հետեւանքով երկու մարդ էր զոհվել, եւս մեկը վիրավորվել էր։ Վթարի կապակցությամբ ոստիկանները որոնում են 21-ամյա Հենրի Մայքլ Գեւորգյանին։ Վթարի ժամանակ նա է եղել Ֆորդ Մուսթանգ մեքենայի ղեկին։ Երբ նա հետապնդել է մեկ այլ մեքենայի, չի կարողացել կառավարել մեքենան։
20-ամյա մի տղամարդ մահացել էր տեղում, երկրորդը՝ մահացել էր Նորթրիջի հիվանդանոցում։ Պարզվել էր, որ զոհերից մեկը 26-ամյա Էրիկ Սիգուենսան է, իսկ հիվանդանոցում մահացածի ընտանիքը խնդրել էր չհրապարակել նրա ինքնությունը։ 21-ամյա Լուիս Անտոնիո Գոնսալեսը հիվանդանոցում է, ծանր, բայց կայուն վիճակում։
Մուսթանգի վարորդը փախել էր՝ չօգնելով տուժածներին։ Չեսուորթ քաղաքի ոստիկանության ներկայացուցիչ Բիլ Բասթոսը հեռոիստաեթերով դիմել է փախուստի մեջ գտնվող Գեւորգյանին՝ կոչ անելով գալ եւ ներկայանալ ոստիկանություն։