Ոստիկանությունը հայտնում է, որ Երեւանի բնակիչ 37-ամյա Կարեն Ավագյանը, որը նախկինում եւս գրպանահատություն է կատարել, բերման ենթարկվելուց հետո խոստովանել է, որ երթուղայինում բջջային հեռախոս է գողացել մի անծանոթուհու գրպանից:
«Ծառայություն էինք մատուցում Մալաթիա-Սեբաստիա շրջանում եւ նկատեցին նախկինում գրպանահատություն արած մի քաղաքացու: Նա իջավ մեքենայից եւ արագ մոտեցավ տաքսի մեքենային եւ շարժվեց: Նրա խուճապահար պահվածքը շատ կասկածելի թվաց, հետապնդեցինք նրանց, քաղաքացուն գողություն անելու կասկածանքով բերման ենթարկեցինք»,- նշում է օպերլիազոր Ն. Ղազարյանը:
Կարեն Ավագյանը խոստովանական ցուցմունք է տվել: Գողության փաստով նյութեր են նախապատրաստվում: Քննությունը շարունակվում է:
