«Ժողովուրդ» թերթը գրում է. «ՀՀ կենտրոնական բանկը երեկ հրապարակեց այս տարվա հունվարին արտերկրից Հայաստան փոխանցմված տրանսֆերտների չափը, ըստ այդմ զուտ ներխոսքը (Հայաստան եկած եւ դուրս գնացած գումարների դրական տարբերություն) կազմել է 28 մլն 23 հազար դոլար: Այսինքն՝ անկումը կազմում է մոտ 60 տոկոս: Այս ցուցանիշն ամենացածրն է 2008 թվականից հետո:

Անցած տարվա հունվարին Հայաստան փոխանցված տրանսֆերտների զուտ ներհոսքը 68 մլն 284 հազար դոլար: Ինչպես հայտնի է՝ Հայաստան եկող տրանսֆերտների մոտ 90 տոկոսը գալիս է Ռուսատանից: Ասենք անցած տարվա հունվարի ՌԴ-ից Հայաստան է փոխանցվել 87 մլն 243 հազար դոլար, իսկ այս տարի այդ գումարը կազմել է 38 մլն 371 հազար դոլար: Եթե տրանսֆերտների նվազման այս դինամիկան, որը սկսվել է անցած տարվա հոկտեմբերից, շարունակվի, ապա Հայաստանի տնտեսությունն առավել ծանր կացության մեջ կհայտնվի»:

Առավել մանրամասն՝ թերթի այսօրվա համարում