Թուրքիան եւ Եվրահանձնաժողովը զբաղվածության եւ սոցիալական նորարարությունների 7-ամյա ծրագրի շուրջ համաձայնագիր են ստորագրել, որի բյուջեն կազմելու է 920 մլն եվրո։
«Ծրագրի բյուջեն 7 տարվա ընթացքում կկազմի 920 մլն եվրո։ Այն ԵՄ մակարդակով ֆինանսական գործիք կհանդիսանա սոցիալական քաղաքականության, զբաղվածության քաղաքականության եւ աշխատանքային շարժունակության արդիականացման համար»,- ասված է Թուրքիայի՝ ԵՄ հարցերով նախարարության հայտարարության մեջ, գրում է «Ռոսբալտ»-ը։
Համաձայն հայտարարության՝ ծրագրի նպատակն է Թուրքիայում հասնել զբաղվածության բարձր մակարդակի, սոցիալական ապահովության ադեկվատ երաշխիքների, պայքարել աղքատության եւ սոցիալական խտրականության դեմ, ինչպես նաեւ բարելավել աշխատանքային պայմանները։
Համաձայնագիրը ստորագրել են Թուրքիայի՝ ԵՄ հարցերով փոխնախարար Ահմեդ Յուջելը եւ զբաղվածության ու սոցիալական հարցերով եվրոկոմիսար Մարիան Թիսենը։
