Կամչատկայում գտնվող Շիվելուչ հրաբուխը ծովի մակարդակից 9 հազար մետր բարձրությամբ մոխիր է ժայթքել։ Այս մասին հայտնում է ՌԴ ԱԻՆ Կամչատկայի երկրամասի Պետական վարչությունը։
«Դա տեղի է ունեցել շաբաթ ցերեկը, մոխրի սյունը տարածվել է Շիվելուչից հյուսիս-արեւելք»,- ասված է հայտարարության մեջ, գրում է «Ինտերֆաքս»-ը։
Մոխրի սյան ճանապարհին բնակավայրեր չկան։ Զբոսաշրջիկներին զգուշացվել է արշավներ կազմակերպելու վտանգավորության մասին։
Նշենք, որ Շիվելուչը Կամչատկայի հյուսիսային ամենաակտիվ հրաբուխն է, որի ակտիվությունը ուժեղացել է 2009թ. մայիսից։