Լոս Անջելեսի Սկիդ-Շոուի շրջանի կենտրոնում ոստիկանները գնդակահարել են անտուն մարդու, որը դիմադրություն է ցույց տվել ձերբակալման ժամանակ, գրում է The Los Angeles Times-ը:
Միջադեպը տեսանկարահանվել է, ականատեսներն այն տեղադրել են Facebook-ում:
Տեսախցիկը ֆիքսել է մի քանի ոստիկանների եւ անտուն մարդու ծեծկռտուքը, որի ընթացքում դիմադրություն ցույց տվող տղամարդուն տապալել են գետնին: Ձայնագրության մեջ հստակ լսվում է 5 կրակոցի ձայն:
Միջադեպից հետո հրազենային վնասվածք ստացած տղամարդուն տեղափոխել են հիվանդանոց, որտեղ նա ավելի ուշ մահացել է: Պարբերականը նշում է, որ մի քանի ժամվա ընթացքում այդ տեսանյութը դիտել են հազարավոր օգտատերեր: