Բելգիայում եւ Լյուքսեմբուրգում Բելառուսի դեսպան եւ ՆԱՏՕ-ում ու Եվրամիությունում այդ երկրի մշտական ներկայացուցիչ Անդրեյ Եվդոչենկոն հայտարարել է, որ Բելառուսն ու ԵՄ-ն մայիսի 21-22-ը Ռիգայում «Արեւելյան գործընկերության» գագաթնաժողովում վիզային ռեժիմի պարզեցման համաձայնագիր ստորագրելու կամ առնվազն նախաստորագելու շանսեր ունեն։ Այս մասին հայտարարել է դիվանագետը «Բելառուս 1» հեռուստաալիքի եթերում, գրում է «ՌԻԱ Նովոստի»-ն։
«Եթե ամենբան լավ դասավորվի, ես որեւէ լուրջ տարաձայնություն չեմ տեսնում, որոնք կխանգարեն մեզ 2015թ. մայիսին Ռիգայում վիզային համաձայնագիրը ստորագրելուն կամ առնվազն այդ համաձայնության տեքստը նախաստորագրելուն»,- հայտարարել է Եվդոչենկոն։
Ըստ նրա՝ մարտի 10-11-ին Մինսկում կկայանա Բելառուսի եւ Եվրամության միջեւ վիզային ռեժիմի պարզեցման մասին համաձայնագրերի ստորագրման խորհրդակցությունների 4-րդ փուլը։