Թուրքիայի նախագահ ռեջեփ Թայիփ Էրդողանը կրկին հայտարարել է, թե առանց Ղարաբաղի խնդրի կարգավորման Թուրքիան Հայաստանի հետ հարաբերություններում որեւէ քայլ չի անի։
Թուրքական Beyazgazete կայքի փոխանցմամբ՝ Թուրքիայի նախագահ Ռեջեփ Թայիփ Էրդողանը Սաուդիան Արաբիա մեկնելու ընթացքում օդանավում պատասխանել է իրեն ուղեկցող լրագրողների հարցերին, անդրադառնալով նաեւ Հայաստանի հետ հարաբերությունների թեմային։
«Մինչ Հայաստանը «Ադրբեջանից զավթած» հողերի հարցում քայլ չանի, սահմանները չենք բացի։ Միջազգային իրավունքն ասում է, որ Ղարաբաղը «զավթված» է։ Եթե ԱՄՆ-ը եւ Ռուսաստանը ուզեն, խնդիրը մի վայրկյանում կլուծվի»,-ասել է Էրդողանը։
