Հայաստանում հարցման մասնակիցների շրջանում ամենաընդդիմադիր ուժերի ցանկում առաջատարը «Ժառանգություն» կուսակցությունն է: Այս մասին, այսօր՝ մարտի 2-ին, լրագրողների հետ հանդիպման ժամանակ հայտարարել է «Gallup International» ասոցիացիայի հայաստանյան ներկայացուցչության տնօրեն Արամ Նավասարդյանը՝ ներկայացնելով հարցման արդյունքները, որն անվանել են «Ընդդիմադիր ըլնեմ»: Նշենք, որ հարցումն անցկացվել է 2014-ի նոյեմբերի 20-27-ին, որին մասնակցել է 1067 մարդ:
Արամ Նավասարդյանի խոսքով՝ հարցը հնչել է հետեւյալ կերպ. «Գնահատեք 5-բալանոց սանդղակով, թե թվարկված ուժերը որքանով են ընդդիմադիր»:
Այստեղ առաջատարը «Ժառանգությունն» է 3,7 բալով: «Ժառանգությանը» մի փոքր զիջում են ԲՀԿ-ն (3,63 բալ) եւ ՀԱԿ-ը (3,62 բալ): Այնուհետեւ գալիս են ՀՅԴ-ն (3,2 բալ), ՀԺԿ-ն (3 բալ), ԱԻՄ-ը (2,9 բալ), «Ազատ դեմոկրատները» (2,9 բալ) եւ ՕԵԿ-ը (2,4 բալ):
