Իսպանական Seat ընկերությունն իր առաջին քրոսովերի նախատիպի հերթական թիզերն է հրապարակել: Այս անգամ իսպանացիները ցուցադրել են նորույթի թափքից մի հատված: Ավտոմեքենան ներկայացվելու է Ժնեւի ավտոսրահում:
Մեքենայի անվանումն առայժմ չի հաղորդվում: Ներկայում հայտնի է միայն, որ դրա երկարությունը կկազմի շուրջ 4.35 մետր: Ամենայն հավանականությամբ, այն Leon ընտանիքի համար առաջարկվող շարժիչ կունենա:
Ըստ Motor-ի, ակնկալվում է, որ սերիական մոդելի պրեմիերան կկայանա աշնանը, Ֆրանկֆուրտի ավտոսրահում: Մեքենան արտադրվելու է Չեխիայում, Skoda ընկերության գործարանում: