Թուրքիայի վարչապետ Ահմեդ Դավութօղլուն հայտարարել է, թե պատգամավորի թեկնածու դառնալու համար 3 նախարարներ պատրաստվում են հրաժարական տալ։
Թուրքական Milliyet-ի փոխանցմամբ՝ Թուրքիայի վարչապետ Ահմեդ Դավութօղլուն Պորտուգալիա մեկնելուց առաջ օդանավակայանում պատասխանել է լրագրողների հարցերին։ Նա հայտարարել է, թե ընտրությունների մասնակցության հետ կապված Արդարադատության նախարար Բեքիր Բոզդաղը, Տրանսպորտի եւ հեռահաղորդակցության նախարար Լյութֆի Էլվանը եւ ՆԳ նախարար Էֆքան Ալան վերջին անգամ են մասնակցել նախարարների խորհրդի նիստին։ Դավութօղլուն շեշտել է, թե ընտրական օրենք է պարտադրում հրաժարական տալ նախարարի պաշտոնից։
Նշենք, որ Թուրքիայի խորհրդարանական ընտրությունները տեղի են ունենալու 2015-ի հունիսի 7-ին։