Հայաստանի ՏԿԱԻՆ-ում, այսօր՝ մարտի 3-ին, ժամը 08.21-ին ահազանգ է ստացվել, որ Կոտայքի մարզի Քանաքեռավան գյուղում` գազալցակայանի մոտակայքում, «Տոյոտա» մակնիշի ավտոմեքենան ընկել է չգործող ջրատարը. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ՀՆՓԱԻԿ փրկարարական ջոկատը:
Պարզվել է, որ «Տոյոտա» մակնիշի 95 NO 005 համարանիշի ավտոմեքենան (վարորդ` Ա. Հ.) դուրս է եկել ճանապարհի երթեւեկելի հատվածից եւ ընկել սելավատարը:
Փրկարարներն ավտոմեքենան դուրս են բերել սելավատարից: