Երեւանի մի բնակչից ոստիկանության Նաիրիի բաժնում հունվարի 6-ին ահազանգ էր ստացվել, որ Արագյուղ գյուղի իր ամառանոցից կատարվել է գողություն:
Մեկնած օպերատիվ խմբին տուժողը հաղորդում էր տվել, որ մուտքի դռան մոտ գտնվող քարի տակից վերցրած բանալիով դուռը բացելով՝ ամառանոցից գողացել են 4 շաղափ, էլեկտրական 2 սղոց եւ գազի կաթսա` պատճառելով 400.000 դրամի նյութական վնաս:
Ոստիկանության մամուլի ծառայությունից հայտնում են, որ ձեռնարկված օպերատիվ-հետախուզական միջոցառումների շնորհիվ՝ օրերս Երեւան քաղաքի տարբեր վայրերից բերման են ենթարկվել 29-ամյա Հայկազ Պ.-ն, 27-ամյա Արայիկ Հ.-ն եւ 29-ամյա Հարություն Տ.-ն:
Նրանք խոստովանել են, որ նշված առանձնատան մուտքի դուռը բանալիով բացելով՝ գողացել են տարբեր տեսակի գործիքներ:
Բերման ենթարկվածները ներկայացվել են ՀՀ ՔԿ Կոտայքի մարզային Նաիրիի քննչական բաժին: