Ուելսի հարավում գտնվող Փոնտիփուլ քաղաքի բնակիչը իր քնած գող է հայտնաբերել: Այս մասին գրում է The Daily Express-ը: 51-ամյա Ջուլի Ջեյմսը, վերադառնալով աշխատանքից, տեսել է, որ իր տան մեջ՝ հյուրերի անկողնում, քնած է անծանոթ մի տղամարդ: Վախեցած կինը բղավել է, իսկ տղամարդը նրա ձայնից արթնացել է եւ դիմել փախուստի: Որոշ ժամանակ անց ոստիկանությունը ձերբակալել է հանցագործին, որը պարզվել է տեղաբնակ Մեթյու Ուոթերսն է: Մտնելով կնոջ տուն՝ 30-ամյա գործազուրկ տղամարդը կերել էր սառնարանում եղած պաղպաղակի ողջ պաշարը, իսկ անուհետեւ որոշելով հանգստանալ՝ պառկել էր եւ քնել, գրում է Lenta-ն:

Դատարանում Ուոթերսը ընդունել է մեղքը, եւ դատապարտվել 8 ամսվա ազատազրկման: Նրան նաեւ տուգանել են 154 դոլարով՝ որպես հասցված վնասի փոխհատուցում: