Յուրաքանչյուր տասնամյակի հետ մարդկանց IQ-ի միջին մակարդակը բարձրանում է: Նման եզրահանգման են եկել բրիտանական Թագավորական քոլեջի գիտնականները:
Նրանք ուսումնասիրել են Ամերիկայի եւ Եվրոպայի 48 երկրների ավելի քան 200 հազար մարդկանց IQ թեստերը, որոնք անցկացվել են վերջին 64 տարիների ընթացքում:
Ըստ Informing-ի, նշվել է, որ թեստերը տարեցտարի բարդանում են, սակայն մարդիկ հաղթահարում են դրանք:
IQ-ի մակարդակի բարձրացումը գիտնականները բացատրում են կրթության եւ բժշկության որակի բարձրացմամբ, ինչպես նաեւ ընտանիքներում երեխաների թվի նվազմամբ, ինչը ծնողներին հնարավորություն է տալիս ավելի շատ ուշադրություն դարձնել փոքրիկի դաստիարակությանը:
Մարդու ինտելեկտի մակարդակի վրա ազդող գործոններից են նաեւ ընտանիքի նյութական հնարավորությունները՝ տան արժեքը եւ տարեկան եկամուտը:
Բացի այդ, մեծ դեր են խաղում դաստիարակչական մեթոդներն ու ընտանիքի անդամների միջեւ հարաբերությունները: Երեխայի ինքնուրույնությունն ազդում է նաեւ նրա մտավոր ունակությունների վրա: Իսկ ահա արագ սնունդն ու ալկոհոլը բացասաբար են անդրադառնում մարդու ինտելեկտի վրա:
