Պետք չէ հայտարարություններ անել, թե Հայաստանում հետեւողականորեն փակվում են բիզնեսները: Այս մասին, այսօր՝ մարտի 3-ին, ԱԺ-ում հայտարարել է ՀՀ էկոնոմիկայի նախարար Կարեն Ճշմարիտյանը:
Նրա խոսքով՝ ցավոք, իշխանության քաղաքական ընդդիմախոսները չօգտվեցին իրենց խորհրդից եւ չծանոթացան պետռեգիստրի վիճակագրությանը:
«Ստիպված եմ անձամբ ներկայացնել այդ տվյալները: Տարվա սկզբին եւ մինչեւ մարտի 2-ը 2475 նոր ձեռնարկություն է բացվել եւ գրանցվել, իսկ փակվել է 1608-ը: Այդ թվում 2015-ի առաջին 2 ամսում բացվել է 598 ՍՊԸ, փակվել՝ 62 ՍՊԸ: Եթե չեք հավատում, կարող եք ստուգել պետռեգիստրի տվյալները»,-հայտարարել է Ճշմարիտյանը:
2014 թվականին հաշվառումից դուրս է եկել 8680 անհատ ձեռնարակտեր, գրանցվել՝ 9292 անհատ ձեռնարկատեր:
