Եթե ՀՀ առաջին նախագահ Լեւոն Տեր-Պետրոսյանը քաղաքական դաշտում գործունեություն ծավալի՝ առաջնորդվելով իր սեփական սկզբունքներով, դա կարող է հիմք դառնալ լուրջ, արմատական ընդդիմության ձեւավորման համար: Այս մասին, այսօր՝ մարտի 3-ին, մամուլի ասուլիսում հայտարարել է ՀՀԿ խմբակցության պատգամավոր Լեռնիկ Ալքեսանյանը:
Ցեղասպանության 100-րդ տարելիցի համահայկական հռչակագրի վերաբերյալ Տեր-Պետրոսյանի քննադատությունը Լեռնիկ ԱԼեքսանյանին հիշեցրել է 1990-ական թվականները: «Նա սկզբունքային դիրքորոշում ուներ Հայաստանի արտաքին քաղաքականության հետ կապված: Այս քննադատությամբ Լեւոն Տեր-Պետրոսյանը ցանկացել է միայն օգտագործել երկրում առկա դժգոհությունը քաղաքական նպատակներով: Առաջին նախագահը փոխում է դեմքը, նա հիմա շեղվում է իր սկզբունքներից, ինչը ես ճիշտ եմ համարում»,-ասել է Ալեքսանյանը:
Նրա համոզմամբ, դա կարող է արմատական ընդդիմության ստեղծման հիմք դառնալ, այլ հարց է, թե որքանով դա կընդունի հասարակությունը:
