Etihad ավիաընկերությունը Երեւանում մրցանակաբաշխություն է կազմակերպել Հայաստանի առաջատար ճանապարհորդական գործակալությունների շրջանում, որին մասնակցել են ճանապարհորդության ոլորտի ավելի քան 40 առաջատար հայաստանյան կազմակերպություններ:

Ըստ այդմ, «Ոսկե մրցանակը» շնորհվել է Levon Travel, United Travel, Geographic Travel Club, Globe Travel and Aeroex գործակալություններին:  «Արծաթե մրցանակ» շնորհվել է Elitar Travel, Avant Tour, Saberatour Sevan, Aviatrans and Aerotour գործակալություններին:

Հատուկ «Գործընկերոջ մրցանակը» բաժին է հասել Visa Concord-ին` Հայաստանում Etihad ավիաընկերության գործընկերոջը:

Հայաստանում Etihad ավիաընկերության գլխավոր տնօրեն Դագի Դագլասի խոսքով՝ Աբու Դաբի- Երեւան չվերթը շատ պոպուլյար դարձավ անընդհատ ավելացող գործարար եւ զբոսաշրջիկ ճանապարհորդների մոտ, ինչպես նաեւ աշխարհով մեկ սփռված հայկական Սփյուռքի համայնքներում, կապ հաստատելով Ծոցի տարածաշրջանի, Հյուսիսային Ամերիկայի եւ մեր ամբողջ ցանցի հետ` Աբու Դաբիի հարմարավետ տարանցիկ կապի միջոցով:

Երեւանի ուղղությունը սպասարկում է երկկարգանի Airbus A319 օդանավը` նախատեսված 106 ուղեւորների համար, որոնցից 16-ը Business Class եւ 90-ը Economy Class տեղեր են, եւ ընդհանուր առմամբ առաջարկում է շաբաթական 848 ուղեւորի տեղ:

Նշենք, որ ավիաընկերությունը 2014-ի հուլիսից շաբաթական չորս անգամ իրականացնում է Աբու Դաբի-Երեւան թռիչքները: