Թուրքիայում մոտեցող խորհրդարանական ընտրություններին զուգահեռ 2-րդ հայն է հայտարարել պատգամավոր դառնալու ցանկության մասին։
Թուրքական Demokrathaber կայքի փոխանցմամբ՝ ստամբուլահայ Նվարդ Բաքըրջըօղլուն հայտարարել է, թե ցանկանում է քրդական «Ժողովուրդների դեմոկրատական» կուսակցության կողմից առաջադրվել պատգամավորի թեկնածու։ Նա շեշտել է, թե իր սրտի ցանկությունն է պատգամավորի թեկնածու դառնալ Ուրարտուի մայրաքաղաք Վանից։
Նվարդ Բաքըրջըօղլուն, շեշտելով Հայոց ցեղասպանության 100-րդ տարելիցի կարեւորությունը, նշել է, թե Ցեղասպանությունից 100 տարի անց Թուրքիայի խորհրդարանում պետք է հայ պատգամավորներ լինեն։
Նշենք, որ օրեր առաջ Մարդինից օճառագործ, ազգությամբ հայ Զեքերիա Սաբունջին եւս հայտարարել էր HDP-ի կողմից պատգամավորի թեկնածու առաջադրվելու ցանկության մասին եւ դիմում ներկայացրել։