Ղրղզստանի նախագահ Ալմազբեկ Աթամբաեւը համարում է, որ հանրապետության անդամակցումը ԵՏՄ-ին Ռուսաստանի հետ փոխշահավետ համագործակցության ընդլայնման խթան կհանդիսանա: Ղրղզստանի նախագահի աշխատակազմի մամուլի գրասենյակից ՏԱՍՍ-ին հայտնել են, որ այս մասին նա հայտարարել է Բիշքեկում Թաթարստանի նախագահ Ռուստամ Մինիխանովի հետ հանդիպման ժամանակ:
«Ղրղզստանը կարեւոր նշանակություն է տալիս իր գլխավոր ռազմավարական դաշնակցի՝ Ռուսաստանի, այդ թվում նրա սուբյեկտների հետ հարաբերությունների զարգացմանը: Մեր հանրապետության անդամակցումը ԵՏՄ-ին լայն հեռանկարներ կբացի տարբեր ոլորտներում երկկողմ կապերի ընդլայնման ու խորացման համար»,-ասել է Աթամբաեւը:
Իր հերթին, Մինիխանովն ընդգծել է երկկողմ կապերի խորացման անհրաժեշտությունը:
