Կոտայքի մարզի Պռոշյան գյուղում այսօր՝ մարտի 3-ին, հրազենային վնասվածք ստացած տղամարդու վիճակը լավ է: Այս մասին NEWS.am-ի թղթակցի հետ զրույցում ասաց «Արմենիա» բժշկական կենտրոնի: Վերակենդանացման բաժանմունքի վարիչ, Սուրեն Մակարյանը:
Նա նշեց, որ երիտասարդին այսօր կտեղափոխեն Անոթային վիրաբուժության բաժանմունք: Երեկ վիրահատել են նրա ազդրը:
Shamshyan.com-ի տեղեկություններով՝ վիրավորը բազկամարտի Եվրոպայի նախկին չեմպիոն է:
Նշենք, որ ավելի վաղ NEWS.am-ը հայտնել էր, որ մարտի 3-ին ժամը 13:00-ի սահմաններում 23-24 տարեկան մի երիտասարդ Պռոշյան գյուղի կենտրոնում կրակել է 33-ամյա Արման Թադեւոսյանի ուղղությամբ: Նա հրազենային վնասվածքով տեղափոխվել է «Արմենիա» բժշկական կենտրոն: NEWS.am-ին ՀՀ Քննչական կոմիտեի մամուլի ծառայությունից հայտնեցին, որ քրգործը հարուցվել է Քրեական օրենսգրքի 34-104-րդ եւ 235-րդ հոդվածների հատկանիշներով:
Ձեռնարկվում են միջոցառումներ հանցագործությունը կատարած անձին կամ անձանց հայտնաբերելու ուղղությամբ: