Վայրի փիղը հարձակվել է Հնդկաստանի արեւելյան Բիհար նահանգի գյուղերից մեկի բնակիչների վրա: IANS գործակալության փոխանցմամբ, 4 մարդ է մահացել:
Միջադեպը տեղի է ունեցել երեքշաբթի, նահանգի մայրաքաղաք Պատնա քաաքից 130 կմ հեռավորությամբ գտնվող Սիտամարհա գյուղում: Երկու մարդ տեղում մահացել է, 3 հոգի վիրավորվել է:
«Եվս 2 մարդ, որոնց փիղը լուրջ վնասվածքներ է հասցրել, մահացել է հիվանդանոցում»,- տեղեկացրել է տեղական ոստիկանության ներկայացուցիչը:
Ըստ ՌԻԱ Նովոստիի, տեղական իշխանությունները նշել են, որ առայժմ չի հաջողվել բռնել կատաղած կենդանուն, որը սարսափ է տարածել գյուղի բնակիչների շրջանում: Չորեքշաբթի առավոտյան փղին նկատել են հարեւան Մուզաֆֆարպուր շրջանի սահմանակից գյուղերի մերձակայքում:
