Կիբերանվտանգության ոլորտի մասնագետները հանրահայտ բրաուզերներում, այդ թվում՝ Apple-ի եւ Google-ի լայնորեն տարածված սարքավորումների ծրագրային ապահովումներում թերություն են հայտնաբերել, որը թույլ է տալիս նրանց հարկադիր կերպով անցում կատարել կոդավորման «արտահանվող դասի»՝ ավելի թույլ պաշտպանված տարբերակի, գրում է Reuters-ը։
Թերությունը պահպանվել է դեռեւս անցյալ դարի 90-ականների վերջից, երբ ամերիկյան օրենսդրությունը արգելել էր ԱՄՆ տարածքից արտահանել ուժեղ պաշտպանությամբ ապրանքները։ Օրենսդրությունը չխախտելու համար խոշոր արտահանողները օգտագործում էին պաշտպանության պարզեցված «արտահանվող» տարբերակը, որը կոտրելու համար ամեն դեպքում հզոր համակարգիչ էր պահանջվում։ Այժմ դրանց կոդավորված ալիքը կոտրելու համար բավական է ներկայիս ամպային հոսթինգը, գրում է Gazeta-ն։
Apple –ի եւ Google-ի ներկայացուցիչները հայտարարել են, որ այդ թերությունը կարգավորող ծրագրային ապահովման թարմացումները կգործարկվեն մոտ ժամանակներս։
Բրաուզերի խոցելիությունը կարելի է ստուգել freakattack.com հասցեով։
