Դժվար թե Գագիկ Ծառուկյանը ցանկանա ԲՀԿ-ի թուլացում կամ փլուզում: Այս մասին, այսօր՝ մարտի 4-ին, ԱԺ-ում լրագրողներին ասել է ԲՀԿ խմբակցության պատագամավոր Միքայել Մելքումյանը՝ հավելելով, որ եթե Ծառուկյանը պատրաստվում է թողնել կուսակցության ղեկավարումը, դա չի նշանակում, որ նա ուզում է, որ կուսակցությունը փլուզվի:
«Չեմ կարծում, որ Գագիկ Ծառուկյանը նման բան է մտածում: Մենք ուղղակի պետք է հաղթահարենք այս բարդ ժամանակաշրջանը: Մենք գիտենք, ինչպես վարվել, մենք առաջին օրը չէ, որ քաղաքականության մեջ ենք»,-ասել է նա:
Մելքումյանի խոսքով՝ նման վերադասավորումները կուսակցությունում բոլորովին չեն նշանակում հասարակական վստահության կորուստ: «Ուղղակի մենք պետք է, ինչպես միշտ, պետք է ժողովրդի հետ անկեղծ լինենք, բաց խասենք ու բացատրենք մեր որոշման պատճառները»,-հայտարարել է պատգամավորը:
Հիշեցնենք, որ Մելքումյանը նաեւ հայտարարել է, որ ԲՀԿ առաջնորդ Գագիկ Ծառուկյանը մարտի 5-ին կայանալիք կուսակցության համագումարում հրաժարվելու է կուսակցության առաջնորդի պաշտոնից: Մելքումյանի կարծիքով՝ կուսակցության նոր ղեկավար կընտրվի Նաիրա Զոհրաբյանը: