Կալիֆորնիայից ռեժիսոր Ջոն Միլանոն շուտով կներկայացնի Հայոց ցեղասպանության մասին «Ծղոտե տիկնիկներ» ֆիլմը: Այս մասին գրում է NorthJersey.com-ը:
Միլանոն հայկական արմատներ չունի, սակայն հայկական մշակույթը նրան շատ մոտ է: Ռեժիսորը պատմել է, որ մեծացել է Նյու Ջերսիի Օրադել քաղաքում, որտեղ հայկական մեծ համայնք կա:
Նրա խոսքով, Ցեղասպանության մասին իմացել է իր դպրոցական ընկերներից: Գրեթե բոլորը հայ են եղել, որոնց մի մասի հետ նա մինչեւ հիմա կապ է պահում: «Ծղոտե տիկնիկներ» («Straw Dolls») ֆիլմը նկարահանվել է երկու տարի շարունակ:
Պրեմիերան կայանալու է մարտի 15-ին, Լոս Անջելեսում, իսկ ապրիլի 24-ին՝ Հայոց ցեղասպանության 100-րդ տարելիցի օրը, ֆիլմը կցուցադրվի Կոպենհագենում, Նյու Յորքում եւ Հայաստանում: 40 հազար դոլար բյուջե ունեցող ֆիլմում նկարահանվել են իրանահայ հայտնի դերասանուհի Մարիա Ափիկը եւ Մարկո Խանը:
Ֆիլմը նկարահանվել է Սիմի Վելլի քաղաքում, Վենտուրա կոմսությունում, Կալիֆորնիա նահանգում:
