Կալիֆորնիական Գլենդել քաղաքում մարտի 15-ին «Երաժշտություն Հայաստանից» խորագրով համերգ կկայանա՝ նվիրված Հայոց ցեղասպանության 100-րդ տարելիցին: Ըստ «Asbarez» պարբերականի, համերգը նախաձեռնել է «Համազգայինի» երաժշտական հանձնախումբը:
Համերգի ընթացքում ելույթ է ունենալու կանադական դուետ՝ դաշնակահարուհի Փաթիլ Հարբոյանը եւ թավջութակահարունի Հեզեր Թուաչը: Նրանք կատարելու են հայ կոմպոզիտորներ Կոմիտասի, Առնո Բաբաջանյանի, Ալեքսանդր Հարությունյանի եւ Արո Ստեփանյանի ստեղծագործությունները:
«Մինչ ամբողջ աշխարհի հայ համայնքները ձգտում են փոխհատուցման իրենց ողբերգության եւ կորուստների համար, այս համերգը եւս մեկ միջոց կդառնա՝ խաղաղեցնելու մեր հոգիներն ու ամրացնելու մեր ոգին»,- նշել են միջոցառման կազմակերպիչները: