Ոստիկանության Քանաքեռ-Զեյթունի բաժնի ծառայողները Երեւանի Ռուբինյանց փողոցի թիվ 21/3 շենքի մոտից, «Ֆոլքսվագեն Գոլֆ» մակնիշի ավտոմեքենայով, բերման են ենթարկել 24-ամյա Հայկ Հ.-ին, 42-ամյա Արտեմ Ն.-ին, 28-ամյա Սարո Մ.-ին, 25-ամյա Համիկ Բ.-ին եւ 34-ամյա Արման Զ.-ին:
Ոստիկանության մամուլի ծառայությունից հայտնում են, որ զննությամբ ավտոմեքենայի սրահից հայտնաբերվել է 2.25 գ դեղնականաչավուն կանեփանման զանգված եւ 2 պլաստմասե գլանակ` ապակյա կաթոցիչներով:
Համիկ Բ.-ն հայտարարել է, որ հայտնաբերվածը պատկանում է իրեն:
Նշանակվել է դատաքիմիական փորձաքննություն:
Կատարվում է հետաքննություն:
