Այսօր՝ մարտի 5-ին, Հարավային Կորեայում ԱՄՆ դեսպան Մարկ Լիփերթի վրա զինված հարձակում է տեղի ունեցել, որի հետեւանքով դեսպանը վիրավորվել է։ Այս մասին հայտնում է հարավկորեական «Ռենհապ» գործակալությունը։

Միջադեպը տեղի է ունեցել մայրաքաղաք Սեուլում այն պահին, երբ դեսպանը գնացել է դասախոսության։ YTN հեռուստաընկերության տեղեկություններով՝ ածելիով զինված տղամարդը հարձակվել է դեսպանը վրա բղավելով «Հյուսիսային եւ Հարավային Կորեաները պետք է վերամիավորվեն»։

Լիփերթը տեղափոխվել է հիվանդանոց։ Հեռուստաընկերությունը  հայտնել է, որ դեսպանի կյանքին վտանգ չի սպառնում։

Հանցագործը ձերբակալվել է։ Նրա ինքնության եւ մահափորձի դրդապատճառների մասին ոչինչ չի հաղորդվում։ Լրատվամիջոցներում շրջանառվում է նրա ազագանունը՝ Քիմ։

42-ամյա Լիփերթը նշանակվել էր Հարավային Կորեայում ԱՄՆ դեսպան 2014թ.։