Սահմանին իրավիճակը լարված է, սակայն վերահսկելի: Այս մասին այսօր՝ մարտի 5-ին, «Եռաբլուր» զինվորական պանթեոնում լրագրողներին ասաց Հայաստանի պաշտպանության նախարար Սեյրան Օհանյանը:
«Պարբերաբար կրակոցները, հրադադարի ռեժիմի խախտումներն ավելանում են, սակայն այն վերահսկելի է: Հայկական Զինուժը թե Արցախում, թե Հայաստանում սահմանամերձ բնակավայրերի պաշտպանության հարցում իրականացնում է իր առջեւ դրված խնդիրները: Լինում են սադրանքներ, որոնք արժանի հակահարվածներ են ստանում»,- ասաց նախարարը:
Նշենք, որ փետրվարի 28-ին ադրբեջանական կողմը դիվերսիոն ներթափանցման փորձ էր կատարել, ինչի հետեւանքով երկու զինծառայող էր զոհվել: Մարտի 2-ի լույս 3-ի գիշերն էլ ՊԲ արեւելյան ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից մահացու հրազենային վիրավորում էր ստացել զինծառայող, 20-ամյա Արսեն Աբրեստի Կարապետյանը: