Հիվանդանոցից ոստիկանության Սիսիանի բաժնում մարտի 4-ին, ժամը 18.05-ին հաղորդում է ստացվել, որ «աջ աճուկային շրջանի կտրած-ծակած վերք» ախտորոշմամբ բուժօգնության է տեղափոխվել 60-ամյա Հայկ Գ.-ն:
Ոստիկանության մամուլի ծառայությունից հայտնում են, որ պարզել է, որ նույն օրը, ժամը 17.00-ի սահմաններում, Սառնակունք գյուղում` Երեւան-Մեղրի ճանապարհի աջ հատվածում գտնվող, Հայկ Գ.-ին պատկանող առեւտրի տնակում, վիճաբանության ժամանակ, 28-ամյա Արմեն Ա.-ն սուր ծակող-կտրող գործիքով հարվածել է Հայկ Գ.-ին` պատճառելով նշված վնասվածքը:
Ըստ բժշկի տեղեկանքի` Հայկ Գ.-ն ի վիճակի չի եղել հաղորդում տալու: Արմեն Ա.-ն բերման է ենթարկվել եւ տվել խոստովանական բացատրություն:
Ձեռնարկվում են միջոցառումներ հանցագործության գործիքը հայտնաբերելու ուղղությամբ:
Նշանակվել է ԴԲՓ: Նախապատրաստվում են նյութեր:
