Սինգապուրի դատարանը երկու գերմանացիների վանդալիզմի համար դատապարտել է 9-ամսյա ազատազրկման եւ մահակի երեք հարվածի: Այս մասին գրում է The Guardian-ը: Առայժմ չի հաղորդվում, թե երբ ի կատար կածվի պատիժը:
22-ամյա Անդրեաս ֆոն Կնորրեն եւ 21-ամյա Էլթոն Հինցը մեղավոր են ճանաչվել 2014 թվականի նոյեմբերին դեպո ներթափանցելու եւ մետրոյի վագոնները գրաֆիտիով պատելու մեջ: Հաջորդ օրը նրանք հեռացել են քաղաքից: Որոշ ժամանակ անց երիտասարդներին Կուալա Լումպուրի օդանավակայանում ձերբակալել են եւ ուղարկել Սինգապուր:
Ըստ Lenta-ի, երիտասարդները խոստովանել են մեղքը: «Սա իմ կյանքի ամենամռայլ հատվածն է: Ես չափազանց զայրացած եմ ինձ վրա»,- դատարանում հայտարարել է ֆոն Կնորրեն: