ԲՀԿ-ի խնդիրը պայմանավորված է նրանով, որ այն չի ձեւավորվել ընդդիմադիր դաշտում: Այս մասին, այսօր՝ մարտի 5-ին, մամուլի ասուլիսնում նշել է Միջազգային հարցերի եւ անվտանգության հայկական ինստիտուտի ղեկավար Ստյոպա Սաֆարյանը:
Նրա խոսքով՝ ԲՀԿ-ի համար ամենամեծ ռիսկն այն չէր, որ Գագիկ Ծառուկյանի նկատմամբ կարող էին ճնշումներ գորադրել սեփականության տեսանկյունից: «Այս կուսակցության ամենամեծ խնդիրն, իմ կարծիքով, պայմանավորված է նրա շարքերով, քանի որ այն ստեղծվել է իշխանական դաշտում, որի նպատակը այն ձայներն ստանալն էր, որոնք չէր կարող ստանալ իշխող ՀՀԿ-ն: Հիմա Սերժ Սարգսյանը հայտարարել է, որ կուսակցությունը պետք է վերադառնա այդ նշաձողին»,-ասել է Սաֆարյանը:
Նա նաեւ հավելել է, որ Գագիկ Ծառուկյանը հրաժարվում է այդ քայլն անձամբ անել, ուստի նախընտրել է ուղղակի թողնել ԲՀԿ-ի ղեկավարումը: «Հետեւաբար, ով էլ լինի ԲՀԿ-ի նոր ղեկավարը, նա պետք է կուսակցությունը վերադարձննի նախկին ռելսերին, հակառակ դեպքում՝ ԲՀԿ-ից շատ քիչ բան կմնա»,-ամփոփել է Ստյոպա Սաֆարյանը: