Ուկրաինայի Գերագույն ռադան այսօր՝ մարտի 5-ին օրենք է ընդունել, որի համաձայն Ուկրաինայի բանակի թվակազմն ավելացվում է՝ հասնելով 250 հազարի: Համապատասխան որոշմանը կողմ են քվեարկել 270 պատգամավոր (անհրաժեշտ էր 226 քվե):
Բանակի թվակազմը մեծացնելու առաջարկի հեղինակը երկրի նախագահ Պյոտր Պորոշենկոն է:
Ուկրաինայի զինված ուժերի թվակազմը 2014-ի սկզբին, ըստ լրատվամիջոցների, կազմել է մոտ 168 հազար մարդ, այդ թվում 125 հազար զինծառայողներ, իսկ 2014-ի վերջին՝ 232 հազար: